Зошто треба да чекам моето бебе да наполни најмалку 12 месеци за да воведам кравјо млеко?
Бебињата не можат целосно или лесно да го сварат кравјото млеко како мајчиното млеко или формулата. Кравјото млеко содржи високи концентрации на протеини и минерали, што може да ги оштети незрелите бубрези на вашето бебе.
Кравјото млеко ги нема соодветните количини на железо, витамин Ц и другите хранливи нутриенти за дновороденчињата. Може дури и да предизвика анемија, дефицит на железо кај некои бебиња, бидејќи протеинот од кравјо млеко може да ја иритира слузницата на дигестивниот систем, што доведува до појава на крв во столицата. На крајот, кравјото млеко не ги обезбедува најздравите видови маснотии за бебињата кои растат.
Меѓутоа, штом вашето дете ќе биде подготвено да го свари, кравјото млеко може да ја надополни урамнотежената исхрана со цврста храна која вклучува житарки, зеленчук, овошје и месо.
Зошто моето дете да започне да пие кравјо млеко?
Млекото е богат извор на калциум, кој гради силни коски и заби и помага во регулирањето на згрутчувањето на крвта и контролата на мускулите. Тој е исто така еден од ретките извори на витамин Д, кој му помага на телото да го апсорбира калциумот и е од клучно значење за растот на коските.
Млекото исто така обезбедува протеини за раст и јаглехидрати кои му ја даваат на вашето дете потребната енергија цел ден. И ако вашето дете добива доволно калциум од самиот почеток, постојат докази дека подоцна во животот ќе има помал ризик од висок крвен притисок, мозочен удар, рак на дебелото црево и фрактури на колкот.
Дали треба да престанам со доењето кога моето дете ќе почне да пие кравјо млеко?
Нема потреба да го одвикнувате вашето дете откако ќе воведете кравјо млеко. Сè додека и двајцата уживате во доењето е во ред да продолжите со доењето после првиот роденден на вашето дете.
Дали можам да му дадам на моето дете млеко без маснотии или со намалени маснотии?
Во повеќето случаи, сè уште не. Се препорачува да се дава полномасно млеко на 1-годишници, освен ако не се изложени на висок ризик за дебелина. На децата на оваа возраст им треба поголема содржина на маснотии во полномасното млеко за да се одржи нормалното зголемување на телесната тежина и да му се помогне на телото да ги апсорбира витамините А и Д. Концентрацијата на протеини и минерали во безмасното млеко е исто така превисока за децата на оваа возраст. Штом вашето дете ќе наполни 2 години, може да одлучите да го префрлите на млеко со намалено маснотии или без маснотии се додека тоа добро расте.
Можни се исклучоци и педијатарот на вашето дете може да препорача да му дадете млеко со намалена маснотија (2 проценти) по 1-годишна возраст ако е со прекумерна тежина или имате семејна историја на дебелина, висок холестерол или кардиоваскуларни болести.
Дали моето дете може да има алергија на млеко?
Ако вашето дете како бебе пиело формула на база на кравјо млеко без никакви проблеми, можете да бидете сигурни дека нема да има проблем да го толерира кравјото млеко. Дури и бебињата кои биле исклучиво доени првата година обично можат да се справат со кравјо млеко бидејќи биле изложени на протеин од кравјо млеко во мајчиното млеко (освен ако ги избегнувате сите млечни производи).
Ако вашето дете пиело формула од соја затоа што тоа го препорачал вашиот педијатар, проверете кај истиот, пред да воведете кравјо млеко. Вашиот лекар може да препорача да започнете со пијалок од соја кој е збогатен со витамин Д и калциум.
Но, вистинските алергии на кравјото млеко се релативно невообичаени. (Има разлика помеѓу алергија на млеко и нетолеранција на лактоза.)
Главните симптоми на алергија на млеко се: Осипи, особено околу устата или брадата Абдоминални болки, дијареа, повраќање, чешање.
Ако се покаже дека вашето дете е алергично на кравјо млеко, треба да внимавате да избегнувате храна како што се урда, сладолед, јогурт, путер, млечна чоколада и млеко во прав.
