Здравите детски заби се клуч за насмевка што трае цел живот. Разговаравме со др. Бобан Груевски од Dental Aesthetic Spot , за тоа како родителите можат правилно да ги чуваат првите запчиња на своите деца и да создадат навики за цел живот.
Кога да ја направиме првата посета на стоматолог?
Првата посета треба да се направи околу првиот роденден или најдоцна шест месеци по никнување на првиот заб. Таа прва средба е важна за да се создаде позитивно искуство и да се добијат совети за правилна грижа од најрана возраст.
Кога да се започне со миење на забите?
Со миење на забите се започнува веднаш по никнување на првиот заб – со мека четка без паста. Дури и пред тоа, непцата може нежно да се чистат со влажна газа.
Шеќер и заштита на забите
Шеќерот е главен непријател на детските заби. Ограничете слатки и засладени пијалоци, особено меѓу оброците, и поттикнувајте миење заби после секое благо или доволно е да се исплакне со вода.
Употреба на цуцли и шишенца
Долготрајната употреба на цуцла или шише, особено навечер, може да предизвика неправилен загриз и кариес. Најдобро е детето постепено да се одвикне по првата година и да се охрабрува пиење од чашка, советува др. Бобан.
Како да се намали стравот од стоматолог?
Најважно е првата посета да биде пријатно искуство – без болка и без притисок. Разговор, игра и објаснување на секој чекор создаваат доверба и позитивен став кон стоматологот. Најголема грешка и страв од стоматолог е доколку првата средба на детето со стоматологот е поради болка, непријатно искуство.
Топ 3 совети од др. Бобан:
- Почнете со нега уште од првиот заб.
- Избегнувајте шеќерни навики – особено навечер пред спиење.
- Посетувајте стоматолог редовно, не само кога има проблем.
Здравата насмевка на вашето дете започнува дома, со љубов и добри навики. Следете ги советите на др. Бобан Груевски и создајте навики што ќе ги следат вашите најмали целиот живот. Ако сакате професионален пристап и личен совет за грижата на детските заби, др. Бобан е достапен за консултации и проверки, со трпение и љубов кон најмалите пациенти.
