Вообичаено е родителите се двоумат како да воведат храна кај децата, дали да користат лажица и да направат пире или целосно да ја прескокнат лажицата и да понудат цврста храна. Кога размислувате за воведување на цврста храна, родителите мора да бидат добро обучени, информирани спремни со совети и трикови.
Baby-Led Weaning (BLW) или самостојно хранење е метод каде што бебето јаде само, користејќи ги своите рачиња, наместо да му се дава пире со лажичка. Овој пристап му овозможува на бебето да ги истражува вкусот, текстурата и обликот на храната на природен начин.
Кога е вистинското време за воведување на храна?
Светската здравствена организација препорачува почеток со цврста храна околу шестиот месец. Бебето треба да може самостојно да седи, да покажува интерес за храна и да нема рефлекс на туркање на храна со јазикот.
Предлог намирници за почеток
Зеленчук во стапчиња или парчиња: морков, компир, тиквичка, брокула (на пареа и мека).
Овошје во парчиња: банана, авокадо, круша, јаболко (на пареа).
Житарици: варен ориз, овесни снегулки, леб.
Протеини: варено пилешко во ленти, риба без коски, варено јајце.
Здрави масти: авокадо, путер од кикирики .
Чести прашања и проблеми
Што ако бебето одбива храна? – Бидете трпеливи, повторно понудете ја по неколку дена.
Како да препознаете алергија? – Внимавајте на осип, дијареа или повраќање по внесување на нова храна.
Страв од гушење? – Секогаш бидете покрај бебето додека јаде, нудете соодветно приготвена храна и следете ги знаците за гушење
Воведувањето на храна треба да биде забавно и без притисок. Дозволете му на бебето да истражува и да ужива во новите вкусови!
Совети за успешно BLW искуство
- Бебето треба да јаде во седечка позиција во својата хранилка.
- Јадете заедно со бебето за да го поттикнете да учи преку набљудување.
- Дозволете му да истражува со рачињата, без брзање и притисок.
- Нудете вода по шестиот месец, најдобро во мала чаша.
- Користете соодветен и квалитетен силиконски прибор за јадење.
Воведувањето на цврста храна преку BLW методот е забавно и природно искуство за вашето бебе. Дозволете им да ја истражуваат храната и да уживаат во секој залак!
