Во првите години од животот, децата впиваат сè околу себе – звуци, зборови, бои, движења. Тоа е период кога мозокот им е најотворен за учење, а секоја нова стимулација остава длабока трага во нивниот развој.
Изложеноста на странски јазици и креативна игра уште од најрана возраст не само што ги збогатува нивните јазични способности, туку ја поттикнува љубопитноста, самодовербата и желбата за учење.
На оваа тема зборувавме со Ивана Поповиќ Танеска од приватната јазична градинка Little Language Learners by Filos, која секојдневно гледа како децата растат, учат и се развиваат преку игра, љубов и јазици.
Зошто е важно децата да растат со различни јазици и култури?
Ивана : Во градинката „Little Language Learners by Filos“, децата растат во богата, повеќејазична и мултикултурна средина, каде македонскиот и странските јазик се испреплетуваат природно во секојдневната комуникација, песните, играта и учењето.
Покрај тоа, тие секојдневно се запознаваат со различни култури, празници и традиции, што им помага уште од најмала возраст да ја почувствуваат убавината на различностите.
Какви придобивки има изложеноста на повеќе јазици и култури?
Ивана : Изложеноста на повеќе јазици и култури во најраната возраст:
• ја зголемува емпатијата – децата учат да ги разбираат и прифаќаат луѓето кои се различни од нив;
• ја јакне емоционалната интелигенција – развиваат чувствителност, сочувство и способност за тимска работа;
• го подобрува когнитивниот развој – двојазичните деца имаат подобра концентрација, флексибилно размислување и побрзо решаваат проблеми;
• ја поттикнува љубопитноста и отвореноста кон светот.
Во суштина, јазиците и културите не се само зборови и обичаи — тие се мостови кон разбирање, пријателство и мудрост.
Зошто активностите со глина се важни за развојот на децата?
Ивана:Во нашата градинка, учењето не завршува со зборови — раце, ум и имагинација работат заедно!
Активностите како Jumping Clay (игра и моделирање со глина) се вистинска магија за детскиот развој.
Кога децата ја обликуваат глината:
- ги вежбаат финиот и грубиот моторен развој,
- ја подобруваат координацијата меѓу раката и окото,
- учат трпение, внимание и креативно размислување,
- ја градат својата самодоверба преку чувството на создавање и успех.
Она што е особено важно е дека координацијата на прстите и рацете директно влијае на координацијата на целото тело.
Со други зборови, малите движења на рацете помагаат телото да стане постабилно, поусогласено и поспремно за сите други активности: трчање, скокање, танцување и спорт.
Како овие активности ги подготвуваат децата за идните вештини?
Овие активности не само што поттикнуваат креативност, туку го подготвуваат детето за подоцнежни вештини – пишување, концентрација и решавање на задачи. А најубаво од сè е што секое дете низ оваа игра чувствува радост, гордост и љубов кон создавањето.
Што ја прави вашата градинка посебна?
Во „Little Language Learners by Filos“, веруваме дека секое дете е посебен свет.
Со стручен и посветен кадар, настава по акредитирана меѓународна програма EAQUALS (United Kingdom), Jumping Clay активности, спорт и зелени игри, како и здрави, балансирани оброци, создадовме средина во која секој ден е ново откритие.
Тука децата не само што учат јазици, туку и растат во дух на прифаќање, љубопитност и емпатија — вредности што остануваат за цел живот.
Раната изложеност на странски јазици го поттикнува развојот, љубопитноста и креативноста кај децата. За родители кои сакаат нивните деца да имаат вакво искуство, градинката ‘Little Language Learners by Filos’ е простор каде можат да истражуваат и учат
www.filoskindergarten.mk
