На вашето тело му треба железо и пред да забремените и тоа од неколку причини: Неопходен е за создавање на хемоглобинот, протеинот во црвените крвни зрнца кој носи кислород до другите клетки.
Тоа е важна компонента на миоглобинот (протеин кој помага во снабдувањето со кислород до вашите мускули), колагенот (протеин во коските, ‘рскавицата и другото сврзно ткиво) и многу ензими.
Тоа помага да се одржи здрав имунолошки систем.
Зошто железото во бременоста е толку битно?
За време на бременоста ви треба многу повеќе од овој суштински минерал. Еве зошто: Количината на крв во вашето тело се зголемува за време на бременоста додека не добиете речиси 50 проценти повеќе крв од вообичаеното. Ви треба дополнително железо за да создадете повеќе хемоглобин.
Ви треба дополнително железо за вашето растечко бебе и плацентата, особено во вториот и третиот триместар.
На многу жени им треба повеќе затоа што бременоста ја започнуваат со недоволни резерви на железо.
Ниското железо за време на бременоста може да доведе до анемија, а тешката анемија во бременоста е поврзана со предвремено породување, мала родилна тежина и смртност на новороденчиња.
За да бидете сигурни дека внесувате доволно железо, јадете разновидна храна богата со железо секој ден.
Дали ви требаат додатоци на железо за време на бременоста?
Може да се случи да ви требаат. Многу жени ја започнуваат својата бременост без доволно железо за да ги задоволат зголемените потреби на нивното тело и не се во состојба да ги подигнат своите нивоа само преку исхраната. Но, нема да треба да земате дополнителни додатоци освен ако вашиот доктор не ве советува да го направите тоа. Железото во вашите пренатални витамини најверојатно ќе бидат доволни, освен ако имате (или развиете) анемија.
Колку железо е премногу железо ?
Целта е да не внесувате повеќе од 45 милиграми железо на ден. Ако земате повеќе од тоа (или од дополнителен додаток на железо или од вашиот пренатален витамин), тоа може да предизвика превисоко зголемување на нивото на железо во крвта, што веројатно ќе предизвика проблеми за вас и вашето бебе.
